نحتاج كوب شاي و تطنيش
فيه ناس إذا ضاقت عليهم الدنيا راحوا اشتكوا، وفيه ناس عقلاء. سوّوا شاهي وجلسوا يراقبون الحياة وهي تتهاوش لحالها !
العجيب إن أغلب مشاكل البشر تبدأ من: ” وش قصدك بكلامك ” يا حبيبي يمكن الرجال نفسه ما يدري وش قصده !
حتى المجالس تغيّرت… أول سوالف وضحك، الحين إذا واحد سكت شوي قالوا: “أكيد عنده موضوع ”
والجوال هذا قصة ثانية. إذا دقّ عليك واحد مرتين، قال وراك ما رديت، يبدأ يتخيل إنك: مسافر، أو زعلان، أو يمكن مخطوف، وإنت السالفة وما فيها كنت مستمتع بأخذ شاور بارد بعز الصيف.
الخلاصة: وسّع صدرك… الدنيا ما تستاهل، وكل شيء ينحل: إما بفنجال، أو بغفوة ، أو ” تم الإرسال بنجاح “
بقلم/ مبارك البوادي
@mu_albawadi